قاصد مهر و محبت!

محمد رهبر و پیشوایی موو استه*** محمد سرور و مولایی موو استه
ده ای دنیا، هدایت موو از اویه*** ده او دنیا، شفاعت گر موو استه
محمد روشنی بخش دلایی موو***پیغمبر موو سرو سردار موو استه
دزی دنیا کته کلون بیخی***تا قیامت دین شی، سنگر موو استه
دزو بالا، تاج سر ملائیک*** منکر شی، دشموونی ابتر موو استه
محمد قاصدی مهر و محبت***دوستی شی جانی موو، باور موو استه
او که پیغمبر عشق و وفا بود*** عشق اش جاری ده دور و بر موو استه
او که مهر «ولایت» را به موو داد*** ولایت شی واجب، بل سر موو استه
دست علی ره باله کد بله سر***غدیر شی خوشی یی، اکبر موو استه
از او روز پس، امامت جاری گشته***ده دل شیشته، چونکه رهبر موو استه
آل و اولاد شی مهمان دلایی موو*** امام مون موو، سرو سرور موو استه
ولادت شی امده قد ساز و آواز***قدم شی، پربرکت، بل سر موو استه
دیگه خوشی امدون صادق استه***باری شادی، بل پشت و پر موو استه
نشان راهی رفتوو تا قیامت***مذهب شی ناجی و رهبر موو استه
خدا کنه تا مُوردوو، رایی موو باشه*** امی عقیده و باور موو استه
ولادت با سعادت پیغمبر مهر و محبت و فرزند برومندش صادق آل محمد، بر شموو برارون و خوارون گلم مبارکباد.
25/10/1392- قم
مصطفی خرّمی
Photo
Photo